又咁大懵？龍小菌唔見過關三寶好彩搵番

原定由上海飛返香港嘅歌手龍小菌，遇上飛機延誤搞到心情麻麻，最後更頂唔順離開機場！點知大頭蝦嘅佢喺Facebook透露，將一個裝有身份證、回鄉證同護照嘅袋漏咗喺機場，佢話：「話說係（喺）上海機場delay左（咗）成七八個鐘，最後頂唔順離開機場。離開前去左（咗）個廁所，諗住去朋友家借宿一宵，打的去到朋友m&c屋企嗰時，發覺我漏左（咗）個袋係機場廁所，朋友c即刻車我返機場，途中我嚇到青都面埋，鼻哥窿無肉，仲有啲暈，因為袋入面有我身份證、回鄉證同埋passport，如果唔見哂（晒），都唔知點返香港。」<br/><br/>點知小菌返到機場都搵唔到個袋，嚇到佢心都離埋，原來係有位好心地勤人員幫佢Keep起咗佢非常感動話：「喺我諗住報公安嘅時候，有位正在下班地勤問我是不是在找包包，然後我就跟她到辦公室裡（裏），尋回這個包包～～～～～～～～～～～～～～～～～～嗚！好感動～～～」