東網電視
更多新聞短片
有老公陪做運動，阿徐真係幸福喇！
1/3
藝人徐濠縈（阿徐）近年愛上跑步，密密跑嘅佢畀老公陳奕迅（Eason）封為「肯雅徐」。最近，阿徐又發掘咗另一樣興趣，就係去玩水上活動，佢仲同Eason拍住拖咁齊齊Enjoy水上樂添！
阿徐喺落水前先晒出自己嘅泳衣照，有運動習慣嘅佢全身幾乎冇贅肉，真係弗到漏！之後佢再貼出Eason努力划艇嘅相片，Eason用心唱歌嘅樣就見唔少，但佢專心划艇嘅樣大家又見過未？其實Eason陪老婆去做運動唔係咩新鮮事，雖然Eason早前曾講過話唔肯陪老婆跑步，但其實佢都係口硬心軟，之後仲畀人影到佢陪老婆跑步跑到身水身汗添！見到佢哋兩公婆結伴去做對方鍾意嘅事，粉絲都留言大讚佢哋好恩愛！
阿徐喺社交網站晒出Eason划艇時嘅背影相。
阿徐身上冇任何肥膏，弗到漏油！
