東網電視
更多新聞短片
Brenda自爆曾活喺極低薪工作之中，只好咬緊牙關度過。
1/8
前亞視藝人「通識BB」齊蕙盈（Brenda），早前身穿性感比堅尼大騷33B「Big」爆上圍和白滑長腿，惹火程度爆燈！她大方分享其Keep Fit瘦身心得：「我晚晚都好勤力做運動，舉腳、Sit Up最少做100下，仲會去健身室踩單車，主要以室內運動為主。」
做主持練膽識
Brenda透露自2011年入行以來，均主力擔任電視台的節目主持，如《通識小學堂》和《聲動亞洲》等，亦曾參選內地舉辦的全球形象大使比賽：「雖然拎唔到獎，但入到決賽已經好開心。（點解唔參加香港選美？）因為唔夠膽，覺得自己老喇！參選嘅多數係18、20歲出頭，自己都26歲啦！」
她繼而剖白過往的工作辛酸：「人工低到你諗唔到咁低，但我入呢間電視台做，最想係學做主持，因為喺嗰度出錯會比較少人知，所以當做實習學吓嘢，我真係學到大膽咗好多，以前唔敢講嘢，同人傾偈都會驚。」
唔介意被定型
跟亞視已完約一年多的Brenda，希望可向樂壇和影壇作多方面發展，自小受夾Band的爸爸薰陶，她得戚地表示唱歌是其專長，又謂曾參演由杜汶澤主演的電影《爛滾夫鬥爛滾妻》：「雖然係客串角色，但珍惜每個機會。（拍戲有冇底線？）唔可以唔着衫，如果有得遮遮掩掩都仲可以，唔可以露前面，裸背就OK。（怕唔怕被介定性感形象？）唔怕，我Enjoy架，總之係表演就OK，所有表演都接受。」她更笑稱深信「唔知醜」的個性，是凸圍而出的殺手鐧！
穿上火辣比堅尼嘅Brenda大曬日光浴，展示Fit爆身材。
Brenda試過人工低，當做實習學嘢。
Brenda嘅專長係唱歌。
Brenda自言性格「唔知醜」，但係拍戲會誓守3點！
Brenda拍戲唔介意畀人定型。
不過佢就唔介意晒出白滑玉背。
Brenda晚晚勤做運動Keep fit。
