東網電視
更多新聞短片
每次提及陳偉霆，阿SA都話工作唔講其他嘢，唔肯回答關於陳偉霆嘅事。
1/6
組合Twins出席於澳門舉行的「英皇娛樂15周年和華麗有約澳門演唱會」，兩人表示第一次現場表演新歌《LOL》，但沒有因此而覺得緊張：「Ok吖，呢首歌係開心嘅，不過頭先有啲趕，因為啲headset啲位插唔啱，但好彩有驚無險！」
專心工作唔講陳偉霆
問到蔡卓妍（阿Sa）是否與男友陳偉霆（William）有段長時間沒有見面？她說：「唔答呀呢啲，工作先！（有共識低調？）其實不嬲工作嘅時候都唔係好想講其他嘢。你哋唔問我就唔使講！」好姐妹鍾欣潼（阿嬌）即走出來擋駕說：「問我啦！（幾時有新戀情？）對唔住，我唔知呀，呢個我預算唔到。」
演唱會有新嘗試
提到年底的演唱會，Twins表示正籌備中，問到可會繼續表演側手翻？她們說：「成日都表演㗎喇，但如果大家想睇都冇所謂。（仲Ok?）OK！上年都表演過。（加新嘢，做空中翻騰？）體操運動員咩，我哋歌星仔嚟㗎咋。」二人又同聲表示舞台會有新嘗試：「會好開心囉！買飛入嚟睇就知。」
講到日前曼谷發生大爆炸，問到經常到泰國的阿Sa可會有影響？她說：「依家紅色吖嘛，我會密切留意情況，近排都未有時間去。」她又謂世界各地接連發生意外，造成多人死傷，覺得生命很脆弱：「真係要珍惜生命！（珍惜另一半？）我珍惜嘅人都好多㗎！」
經常到泰國的阿SA話會密切留意情況。
Twins首次公開表演新歌《LOL》。
二人表示年底的演唱會有新嘗試。
陳偉霆
對於近期接連發生不同的大型意外，阿SA呼籲大家要珍惜生命。
