王浩信自言已有「三仔」　恨做樓奴

藝員王浩信接受電台訪問，問到拍完電視劇《樓奴》後，他可想過買樓當「真樓奴」？王浩信坦言都有想過置業，因女兒都漸漸長大，都想居住空間大一點。講到趁早買樓以防到女兒長大後「上唔到車」？王浩信笑言：「都係呀，都想將來剩到啲嘢畀個女，啲樓價愈嚟愈貴，怕到佢長大先買，『上車』會仲辛苦。」講到男人要有四仔，就是屋仔、車仔、老婆仔和仔仔？王浩信表示：「以前冇諗呢啲嘢，依家我都好認同，因為我都有咗「三個仔」係差未有屋仔囉。」而王浩信表示因女兒讀書關係，都有留意名校網的樓盤，但樓價自然偏高變相會「冇咁快上到車」。