卓林唔夠靚？吳綺莉叫囡囡畀心機讀書

吳綺莉在電台節目邀請藝人袁嘉敏作訪問，吳綺莉直言因為覺得袁嘉敏的人夠真：「依家唔係咁多女藝人咁敢講嘢，佢之前好多新聞我哋今次可以一齊拆解吓。」當吳綺莉講到這是第一次見袁嘉敏時，袁嘉敏直言其實以前有訪問過吳綺莉，不過時間只有短短三分鐘。

講到前日最新一屆港姐出爐， 吳綺莉表示每年都有睇港姐，更講笑話今年的有獎問題環節好正，連自己都想贏汽車大獎：「其實我每年都有睇，當年都係選美入行，但我覺得依家選美難好多，要好多才多藝，以前香港得六百萬人，依家加埋大陸有13億，好多競爭。」

卓林唔識計數　激死媽咪

問到會否因此而擔心囡囡卓林？吳綺莉笑言：「唔會擔心個女，我講完佢睇到又問，佢八月中都開咗學，我都同佢講唔靚就要讀書畀心機，靚啲我仲擔心，唔講喇！講咗佢又話我。」問到囡囡會留意新聞？她笑說正正因為這個原因，所以安排她讀國際學校，不會看中文報道。

講到卓林之前返暑期工，可有請她飲茶？吳綺莉即大呻：「我淨係負責車佢返工同埋去銀行開戶口，之前有次我好嬲，平時幫佢報咗上堂學策騎，佢又唔識安排好時間，700蚊一堂唔上，去咗做60蚊一個鐘，我同佢講要學吓計數，攞咗經驗啦。」

想搵經理人幫輕吓

另外，袁嘉敏表示最近都密密北上登台掘金，想找一個經理人幫幫自己，她又大呻有時在大陸工作時間難就：「一日飛一次，有時又會Delay幾個鐘咁。（辛苦錢？）唔係好辛苦，但好多時捱夜，成日喺公路都過一晚。」問到為何不留夜過一晚？她解釋因為第二朝可能會塞車，情願在車過一晚。