蔡國威續約亞視：新的姿態重新投入

有「六合彩之子」之稱嘅蔡國威加入亞視二十年，對亞視有深厚嘅感情，今日佢喺微博話：「31/8/2015...終於結束了我們二十年的關係...」當大家以為佢要離開亞視之際，佢其後就話：「而雙方非常有誠意，在合理和滿意的條件下，在今日，達成協議，我就像現今學生開學一樣，以一個全新的姿態再與公司合作，重新投入，成為亞洲電視的藝人，我會繼續努力，亦希望有更多更好的演出給大家，謝謝公司，謝謝家寶，謝謝大家支持，加油！」原來蔡國威只係想講佢同亞視達成協議，以全新姿態成為亞洲電視嘅藝人咋！