楊冪生日　閨蜜郭采潔唐嫣爭住祝福

今日係內地女星楊冪29歲生日嘅大日子，佢嘅官方微博率先喺搭正凌晨12點為楊冪送上生日祝福：「12點已過，祝我們溫柔文靜不會說段子的認真少女生日快樂，今天很多驚喜等着你哦！」而好姊妹郭采潔、唐嫣亦都喺微博留言恭賀壽星女，前者就話：「00:00唱完生日快樂，微博祝我mimi楊冪大吉大利。姐愛你，不解釋！」而後者就送上自己嘅rock爆「影子」，仲話：「一年又一年，我們還是我們，既然文字已不足以表達我們的情感，那就說好了相約下一個七年吧。少女生日快樂，愛你！」認真姊妹情深呀！

而台灣男星蘇有朋噚日42歲生日，雖然正日要開工，但係返到屋企都收到生日蛋糕，仲留言公開許下3個生日願望：「剛剛開完劇本會回家。希望新戲順利，大家拍得開心，結果愉快。希望每一個祝福我的你們，每天都感受到愛。希望我可以更有能力溫柔對待世界。愛你們！」