囝囝有見霆鋒？栢芝神回：問番佢哋爸爸

張栢芝出發到米蘭時裝周，但姍姍來遲1小時，期間不少旅客向記者查問在等哪位大明星！栢芝最終由經理人及助手陪同下現身，透露今次將在當地停留5日左右，她說：「會睇2場騷，同鞋履品牌設計師會面。依家呢個年紀開始鍾意時裝同扮靚，所以此行抱住玩嘅心態。」

為霆鋒送祝福

談到兩子，栢芝開心表示：「好感恩，學校畀佢兩個跳級，Lucas由Grade 2跳上Grade 3。本來幫佢哋追功課好辛苦，但小朋友好快適應咗。」栢芝直言會為兩子回流香港生活，她說：「佢哋去邊我去邊，今次我出門，有屋企人同公司同事幫手照顧。（佢哋有冇見霆鋒？）咁要問番佢哋爸爸。（霆鋒公司香港生意唔係幾好。）我冇睇報紙，但如果係真會送上祝福，希望唔好嘅事唔好發生。（王菲有咗？）呢個有聽過，傳聞啫，即唔係真啦。」

澄清單身

栢芝表示自己單身，笑指與內地富商孫東海熱戀屬「流料」，更搞笑叫在場男記者追求她，但當談到與前經理人公司老闆陳嵐的瓜葛，她避談之餘更向記者說：「中秋節快樂。」

另外，曾國祥及女友王敏奕亦有現身機場，原來是到加拿大出席友人婚禮。

「東網巨星」fb專頁：

每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。