東網電視
更多新聞短片
開始前，SG五女都仲齊人，拍埋師妹陳詩欣（右一）合照。
1/7
組合Super Girls（SG）及師妹陳詩欣齊齊參加10K長跑賽事，除了SG成員Yanny因身體不適未能完成賽事，另外五人都挑戰成功，可喜可賀！五人表示今年已是第二年參加比賽，今年的天氣比上一年更加舒服，加上提早了比賽時間，太陽沒有之前猛烈。
Jessica首先衝線
講到成員Jessica最快衝線，她驚喜說到比上一年更快：「我本身諗住Keep到已經好滿足，估唔到仲快咗十分鐘。」而本被大家睇好的Cheronna就大嘆可惜比賽中途肚痛：「我中間去咗廁所，落後咗好多，不過唔緊要啦，下年會再參加。」另外，Heidi自爆比之前退步了幾分鐘，沿途一直覺得好熱想落雨。
9K時眼濕濕
談到臨衝線一刻可有感動到喊？隊長Aka笑言：「我跑到9K嗰時眼濕濕，喺到諗點解咁耐都未到10K嘅？」Jessica又講笑話跑到最尾500米最難捱，但一想到前面有大批鏡頭捕住，就拼命都要笑住衝線！Aka又表示跑到一半的時候就感受到腳筋有些痛。
有男友在旁打氣
另外，Jessica表示最留意到今次的馬拉松是一場很有愛的比賽，見到不少情侶手拖手衝線，又見到有男友在旁邊為女友打氣，超級感動！問到是否下年各自帶另一伴參加，四人笑言：「咁要你祝福我哋！」
講到適逢中秋節，四人表示今年終於有假期，計劃好要去按腳：「不過Yanny之前share咗篇文話跑完三四日要抖吓唔可以按腳，但我哋都係會照去架！」
可惜Yanny@SG唔舒服要入急救站。
Aka自爆跑到眼濕濕，腳筋又痛。
Jessica最快衝線，仲話因為有大批鏡頭影住，點都要笑住衝線。
Heidi就怕跑跑下落雨。
Cheronna跑跑下肚痛。
不過，最後都挑戰成功，恭喜晒！
