索爆多仔撩　朱盈盈揀男友最緊要啱傾

有「嫩版李彩華」之稱的模特兒朱盈盈（Zenia）自小對選美充滿幻想，大學畢業後即連番參加選美，曾參選港姐及亞姐，最終贏得2013年中國小姐香港區冠軍，過足選美癮的Zenia下一步望打入演藝圈，做個出色演員。<br/><br/>憶難忘癡心男友<br/><br/>擁有省鏡樣貌及Fit爆身材，Zenia異性緣爆燈，連在Gym房健身都有艷遇，常被肌男搭訕「抄牌」，她說：「成日有男仔行過嚟撩傾偈，有啲講嘢有技巧，都會交換電話。（會揀邊類男仔？）大隻同高大有型，都要傾落啱傾。（啲男仔乘機捉手仔教做Gym？）個個男仔都話我要改善姿勢，但我較怕醜，如果畀唔熟嘅男仔掂，我會避忌，企隔籬聽佢教就OK。」外型甜美的Zenia表示揀男友不一定要靚仔，說：「高大有型會加分，但性格最緊要，我鍾意男仔有風度、幽默，有心思搞浪漫驚喜。」她又分享一段難忘心跳回憶，讀中學時被一名癡心男狂追，惟當時Zenia因有男友未能跟對方拍拖，說：「佢仲繼續對我好好，有次佢摺咗千幾隻紙鶴畀我，每隻都寫晒字，好感動！之後我變番單身同咗佢一齊兩星期，可惜最後分隔兩地要分手，但呢段回憶係sweet！」<br/><br/><br/>「東網巨星」fb專頁：<br/>以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。<br/> http://www.facebook.com/onccstars <br/><br/><br/><br/>