東網電視
更多新聞短片
陳詠謙祝福前妻陳意嵐找到真正的幸福。
1/3
歌手陳詠謙到電台宣傅新歌《寫妳太難》，他透露歌曲本想給予李克勤或周柏豪獻唱但一直沒機會：「當時唔知自己會唱歌，直至做歌手後決定由自己唱。」歌曲講述為了事業向上爬，當做到光榮滿身時卻發現錯過珍惜的人和事。問是否寫給擔任杜汶澤化妝師的前妻陳意嵐？他說：「唔知喎，咁我28年嘅故事對創作都有影響，我話佢對我冇影響係呃你，但唔係話寫畀佢。（歌曲故事有佢嘅影子？）有朋友聽完歌之後問係咪寫畀佢，其實寫嘅狀態好迷幻，我仲記得今年年頭喺後樓梯寫嘅，嗰陣已經分開咗。」
「分開得乾淨啲係一種禮貌」
對於陳意嵐被杜汶澤推薦出演新片其中一角，由化妝師跳上大銀幕，及後更被公司看中簽約成為藝人，對此他說：「從來佢都有做演員嘅夢想，都會祝福同支持，佢都有同我提過，都戥佢開心，任何人追夢，哪怕係執貝殼都支持。」
至於前妻轉投幕前會有更多機會碰面，問會否尷尬？他表示不會，亦希望對方不會：「我唔係話羨慕，只係以另一種方式去尊重對方都係件好事。（仲有冇聯絡？）必要時先會，我覺得分開得乾淨啲係一種禮貌。（唔可以好似朋友咁傾偈？）我又唔係得佢一個朋友，同其他人唔會造成啲咩誤會。」
每日反省要做得更好
另外，問到會否接受前妻性感演出？他笑指接受能力很高，最重要是效果好。最後他曾在Facebook發文講述與前妻感情，祝福她找到真正幸福。問他倆以離婚收場會否感到可惜？他直言不懂怎樣回答，但說：「咁我每日都會反省係咪要做好啲！」
陳詠謙笑言新歌原本想找李克勤或周柏豪唱，但一直沒機會，最後惟有自己唱番。
陳意嵐從幕後進軍幕前，成績愈來愈好。（資料圖片）
