東網電視
更多新聞短片
周董做爸爸後疏於操肌，令到近年練得嘅一副完美body出現走樣情況。
1/7
現時娛圈都紛紛掀起一陣操肌熱潮，無論係男定係女，都希望可以操得一排「朱古力肌」同「人魚線」，希望趁「肌」取勝，殺出一條血路！台灣天王周杰倫（周董）除咗唱得演得，又彈得一手好琴，雖然當年出道嘅周董就好似有啲瘦冇乜嘢睇咁，但近年周董愛上做健身，又成日孖住好朋友劉畊宏打籃球做運動，已經練得一副完美body，「練有所成」嘅周董仲不時喺微博上載其「成績表」大騷功架，令唔少港女都尖叫聲不斷！舊年周董喺香港演唱會嗰陣，當時仲牙擦擦咁話，向影帝張家輝挑機，因為當時張家輝都因為拍電影《激戰》而練得一身好肌肉。
但隨着今年年頭周董同老婆昆凌喺英國、澳洲同台灣舉行婚宴，又喺今年七月迎接女兒「小周周」嘅誕生，「升呢」做爸爸嘅周董就忙於做「空中飛人」搵奶粉錢，平時就算唔使工作，都抽時間同老婆以及「小周周」享受家庭樂，似乎隨着時間嘅過去，疏於練習嘅周董，肌肉似乎有「退步」嘅情況出現喎！
日前劉畊宏將同周董打籃球嘅合照上載到微博之後，就有唔少網友話周董嘅肌肉睇落就冇以前咁大隻，仲有唔少網友引用周董嘅舊歌《說好的幸福呢》，變成《說好的肌肉呢》，有唔少網友都叫周董加油，練番大隻啲，等「小周周」都可以感受到呢個強而有力嘅臂彎！
網友有話兒：
哎X哥哥XXX：看指甲也知道是我倫了，一胳膊肥肉！
楊XX和他的機智XXXX：肥肥肉肉！
Connor＿XXX：肌肉呢....
los＿XXX：跟杰倫說一下我們看出來他胖了。
就XX次：杰倫胳膊上都沒線條了！
「東網巨星」fb專頁：
以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。
周董婚前成日孖住好友劉畊宏做健身做運動，練到一雙麒麟臂。
但隨着周董同昆凌結婚後，又準備迎接女兒「小周周」嘅誕生，令到肌肉漸續有「退步」嘅情況出現！
周董仲不時喺微博上載其「成績表」大騷功架，令唔少港女都尖叫聲不斷！
唔少網友話周董嘅肌肉睇落冇以前咁大隻！
麒麟臂加上紋身，真係型爆呀！
有網民就話周杰倫嘅手臂都冇晒線條。
