陳豪辛酸史 拍跳樓戲90層樓冇威吔
20151115
東網電視
更多新聞短片
陳豪自認算係有膽識嘅演員，試過喺8、90層樓跳落嚟，冇威吔！
藝人陳豪（阿Mo）今日到佐敦為拍攝無綫新劇《完美叛侶》，睇住李成昌跳樓，雖然阿Mo今次未須跳埋一份，亦無驚險場口，不過他自認對這些戲份經驗豐富：「咩都試過喇，嗰時八十幾、九十層樓冇威吔，電影嗰陣。（無威吔？）用隻手捉住你囉！坦白講，以前相對更加辛苦，自己都慶幸嗰陣時有排過，依家好多都以安全為上，好少見到有真槍呀，反應彈咁，我哋都見過晒。」
拍戲安全至上
而即將第三次成為人父的阿Mo，直認現時接戲都會以安全為上，無生命危險之下做到最逼真，沒信心的話只好靠替身幫忙，問他太太陳茵媺可有叫他拒接危險工作？阿Mo表示太太並無特別吩咐，不過一定堅持安全為上：「我希望陪囝囝長大，要教導佢哋，支持成個屋企，要錫住自己。（接敏感題材？）要視乎番嗰個角度同手法，我都算係有膽識嘅演員，幾大膽題材都會，如果佢係藝術成分高嘅話我會肯做，但如果係純粹商業成分嘅，我會有我嘅考慮。」
「東網巨星」fb專頁：
以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。