王宗堯寸等同臨記　莊思敏委屈爆喊反擊

莊思敏出席電影活動時，公開回應與同公司王宗堯隔空罵戰事件，莊思敏一開始謂：「大家同事，要回應好尷尬同唔高興！」

之後她便哭到說不出話，隔了一會再續說：「件事有啲複雜，好難去交待清楚，我唔覺得有人唔尊重我...事緣係一個角色，公司開拍《導火新聞線》，原先被指派角色係一個記者，而我拍電影《PG戀愛指引》要染金頭髮，後來《導》片角色轉咗做談判專家，我覺得冇問題，政府人員要深色頭髮，我已經同導演、監製講可以戴假髮或者染髮，係好易解決嘅問題，但王生（王宗堯）就好堅決話我係唔適合做呢個角色，佢叫我不如同老細講做番記者啦！我有同老細討論過呢件事，得到嘅回覆係咁！」

「斷人衣食者，猶如殺人父母」

之後莊思敏向記者公開訊息對話，更謂：「既然有人可以理直氣壯，我亦可光明正大講畀大家知究竟係乜嘢事。」之後莊思敏公開與王生嘅對話，並謂：「大家可以睇清楚，我唔覺得佢作為一個演員，點解可以確定另一個演員開唔開工。（好委屈？）我覺得係，唔明白一個人點解可以咁做，有一個說法話，『斷人衣食者，猶如殺人父母』。（佢話你唔遷就角色？）我從來冇唔願意、唔遷就角色，我話我可以染髮，我要尊重另一劇組，唔可以染番頭髮，因為《PG》套戲連緊戲，同埋檔期從來冇撞過，一直都冇。」

「我諗件事唔需要去解決」

問到事件會怎樣解決，她表示：「我諗件事唔需要去解決，有啲說話佢講咗聽咗得嘞！明嘞！以後都唔會問，大家從來唔係朋友，以後都唔係。（同公司面左左？）喺公司見到咪見囉！唔一定要講嘢！」

最強娛樂APP《東網巨星》，推出全新遊戲節目《巨星放題》，前八集有謝安琪同陳奕迅擔任星級主持發問IQ題，嚟到最新一集，亦即係第八集準決賽，再有張敬軒加盟做星級考官，淨係「考官」卡士都夠晒強勁。呢集嘅參賽者有張繼聰、「蝦頭」楊詩敏及陳瀅，到底最後邊兩個可以爭取到決賽席位？快啲去《東網巨星》App收睇啦！

《東網巨星》App下載連結

Android App - http://goo.gl/GqQlC2

iOS App - http://goo.gl/ItozKI