東網電視
更多新聞短片
曹敏寶又孖實Mag雙雙現身西九龍一個商場行街。
1/10
前港姐曹敏莉婚姻甜蜜，更為丈夫添了一對子女，反觀其胞妹曹敏寶，2007年參加歌唱比賽入行後星運平平，現年29歲的她曾任空姐及化妝小姐，入行後曾一度擔任有線節目主持，又推出過EP和發燒碟，惟知名度依然一般，連緋聞亦乏善可陳，但其實曹敏寶戀愛大過天，一直有傳她與一名喜作男性打扮、名為Mag Shum的閨蜜過從甚密，不時出雙入對，Mag更已融入曹家，不時孖住曹敏寶出席家庭聚會，可見曹家上下已確認其身份及地位。
黐少一秒都唔得
日前傍晚7時許，曹敏寶又孖實Mag雙雙現身西九龍一商場行街，更全程翹實男性化打扮的Mag，二人沿途有傾有講甜到漏，猶如熱戀中的情侶，及後二人步往附近的拉麵店醫肚，由於正值晚飯時間，店內人頭湧湧，二人擠身一眾食客當中相對而坐，邊食邊傾，只見Mag頻頻放笑彈，曹敏寶被氹到甜笑，含住啖麵都笑咪咪，一臉嘴角含春樣，醫飽肚後由Mag埋單，曹敏寶則小鳥依人般翹實對方手臂。
呆等廿分鐘
離開拉麵店，二人如連體嬰般行商場，Mag突然人有三急，曹敏寶貼心地在洗手間外的梳化玩手機耐心等候，即使對方趕辦「大事」一去便廿多分鐘，曹敏寶亦全程沒有離開半步，甫見Mag步出時，她又第一時間撲前翹到實，之後結伴步往戲院方向，商量一番後便匆匆買飛入場，繼續摸黑培養感情。
入晒屋！如曹家一分子
曹敏寶與中性打扮的閨蜜Mag Shum 感情要好，曹家上下都知道，但凡家庭聚會，只要時間配合Mag都會陪曹敏寶現身，早前二人孖咇現身家庭飯局，除了家姐曹敏莉與老公及子女出席，多位長輩亦在場，「一家人」樂也融融！
兩人全程翹到實。
仲開心甜笑。
之後敏寶嘅同性友人就因為有「有事」，而行開咗廿分鐘，敏寶都乖乖哋坐定定等。
真係寸步不離㗎。
食完飯出嚟又即刻拖實。
再去睇戲聯絡感情。
就連食飯都要對望。
仲要勁好傾！
敏寶（後排左四）一家人食飯都有叫Mag Shum（後排左三）。
