祥仔賀歲劇被抽起　監製李添勝當無運

由李添勝監製、黎耀祥、傅嘉莉及單立文主演的無綫賀歲劇《財神駕到》本應預計於農曆年播放，不過《東網》收到消息，指《財》劇將會抽起不播，而播出由黎耀祥、蕭正楠、陳國邦、曹永廉及黃浩然等主演的《公公出宮》。《財》劇正做後期工作階段，日前才舉行煞科宴，而演員亦只是數日前才返公司拍攝海報，對此還是全不知情。而《東網》記者致電給李添勝，他坦承此事，並表示剛剛知道，添哥解釋謂：「好簡單啫！黎耀祥、毛舜筠之後要拍處境劇，套劇四月出街，而公司之前就要播晒黎耀祥啲劇集，咁《公公出宮》35集，我嗰套15集，咁公司老闆計數梗係播晒嗰35集先啦！我嗰套平日出街都得。」不過添哥都明白謂：「呢啲嘢成日都有，都知道呢啲嘢好難搞，拍時都甚少提新年。（報道指曾勵珍失勢，會否怕事件被混為一談？）唔係，梗係唔關事，呢啲嘢以前都經常發生。」

明年三月正式退休

此外，說到之前他與祥仔合作的《巾幗梟雄之諜血長天》都被抽起不能播，今次同是如此，相當無運，添哥對此謂：「唔關祥仔事，當初我搵佢拍《財神駕到》時都未定拍處境劇，當我唔夠運囉！我又唔會唔開心。」而添哥亦不諱言做到明年三月便會正式退休，他謂：「我做埋套劇啲後期就走，人哋60歲退休，我做多咗7年。（問無綫會否為他搞歡送會？）唔搞，冇咁嘅需要，平淡就算。」

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！

最強娛樂APP「東網巨星」下載連結：

http://on.cc/redirect/entertainment