開騷喊唔停　單立文激動為羅文平反

藝人李思捷、單立文及Palwerful Band的一連兩場演唱會《今晚豹制李》隆重開鑼，獲阮兆祥、陳智燊、胡蓓蔚、黃智雯、李施嬅、麥長青、區瑞強、雷頌德夫婦、朱凱婷夫婦等撐場。<br/><br/>單立文話思捷要扮嘢先掂<br/>首先思捷與單立文以一身閃爆造型升上台，而思捷更染了一頭藍髮，並一口氣唱出幾首歌為演唱會揭開序幕，而鍾舒祺就穿上一襲銀色tube jumpsuit上陣，谷胸兼騷長腿，還有就有組合B.Gs以性感豹紋look上台合唱及勁歌熱舞。接着，單立文就笑言今次演唱會冇底線可言，仲叫全場觀眾講粗口。單立文又講到思捷被選為討厭藝人：「佢做自己完全唔掂，係要扮人先受歡迎，因為佢扮嘢好掂！」隨即就叫思捷扮四大天王搞gag兼唱歌，令全場歡眾拍爛手掌。<br/><br/>單立文台上講到喊<br/>其後單立文就在台上講到80年代對自己很重要，因有很多歌手已離開，包括黃家駒、陳百強、梅艷芳、羅文等，更與Palwerful Band一齊唱歌悼念他們。當談到當年Beyond要到日本發展，黃家駒曾講過回港後跟單立文一起製作唱片，但很可惜家駒遇上意外，談到這裡，單立文一度眼泛淚光大讚家駒的聲音最令人尊敬，謂：「走嗰時喺佢身邊，之後我成大半年唔能夠聽Beyond嘅歌，大半年聽唔到家駒把聲。」至於講到陳百強時，單立文第二度喊住講：「Danny咁早走做咩先，你最趕時間，畀多少少時間你哋都好呀！香港樂壇冇咗你，依塊拼圖永遠懸空！」提到羅文時，單立文突然好激氣地表示有人笑羅文唱歌時的咬字，說：「人哋認真、咬字正唔係錯，我係依度唾罵你哋！」