七成入座率！單立文：得一個觀眾都要做

李思捷、單立文及Palwerful Band完成首場《今晚豹制李》演出後，兩人於後台受訪時，透露由於有太多構思，故今晚會開會，看看是否需要改rundown。問到單立文在台上提到羅文時十分激動，他直言：「真係嬲，佢為香港樂壇努力，你哋班懶音王就批評人，唔好對老人家咁苛刻，佢最後尾嗰幾年都動搖咗，好彩最後佢都釋懷。」<br/><br/>強調冇教壞細路<br/><br/>在旁的思捷聞言即坦言，見到單立文在台上講到喊，自己亦眼濕濕，更大爆對方兩次綵排時都有喊。在台上有玩粗口諧音的二人，被問到現場有小朋友時，單立文表示：「我哋冇講到啲咩。」談到入座率只有七成，問到可感滿意，單立文直言：「冇所謂，一個（觀眾）都做畀佢睇，世界要打拚返嚟！（點解今日唱咁少？）我嚟賣色，所以都有漂牙同做facial，做小鮮肉！思捷唱多啲，佢有佢嘅天份。」思捷則笑言：「開心開party，又有咁多人捧場！」<br/><br/>胡定欣冧謝男友<br/><br/>另外擔任嘉賓的胡定欣受訪時，被問到獻唱《愛很簡單》是否向男友傳情？她笑言：「係傳畀大家，冇指定邊個。」又謂今次擔任嘉賓有壓力，首次跟男友陳明道演出的她，直言男友好幫手：「Terry都幫我好多，都有畀意見我，有佢喺度都好嘅！」