馬熙照稿讀向員工致歉：已盡一輩子努力

亞視營運總裁馬熙於晚上七時多，在公關及保安陪同下步出亞視總台會見傳媒，手持稿件的馬熙照稿讀，他表示已盡了一輩子的努力為員工安排薪金，可惜未能成功，並作出致歉，他說：「一直以來，我同管理層已盡最大努力為發薪金嘅事籌謀，但呢幾日我盡一輩子最大努力，透過各種唔同途徑為員工安排薪金，包括同各董事、投資者，包括向司榮彬先生要求注資，可惜都未能成功，無奈去到依家，公司仲未有足夠資金可以發12月同1月嘅薪金，我對今日未能發薪金嘅事向同事致歉，並感謝同事對公司嘅支持，關於公司未來動態，我依家要求立即召開董事會，請董事們決定公司以後嘅前路，就係咁多。」<br/><br/>發言只有約1分20秒，語畢馬熙立刻轉身離去，在公關及保安下開路返入大樓，因亞視兩部升降機都已故障，眾人只能行樓梯，大批記者尾隨馬熙追上樓梯，場面極混亂！期間有記者向馬熙發問：「你係咪欺騙亞視員工？」、「你點解唔回應？」、「你係咪畀人圍，所以咁遲先出嚟？」馬熙未有再作回應並進入一樓及鎖門，令記者未能內進。