王卓淇貼美腿圖　嗌粉絲估泳衣顏色

喺無綫劇《愛情食物鏈》飾演小儀妹妹「魯佳麒」嘅前港姐王卓淇（Erin），因喺劇中成日以背心熱褲上陣而人氣急升！近日Erin同屋企人去咗馬爾代夫旅行，第一次去嘅Erin相當興奮，先晒出一張坐喺陽台嘅照片，大晒修長美腿，留言：「一覺醒來，房間外陽台有樓梯，可以直接下水了。」知道網友嫌張相太遠，Erin之後仲Close up白滑雙腿，引到網友留言「呢張相，殺死好多人」、「長腿淇，影多啲相」、「嘩！淇淇對腳又白又滑！真是美腿呀！」<br/><br/>淨係晒腿都未夠，Erin仲大派粉絲福利，叫大家估佢帶咗咩色泳衣去馬爾代夫：「猜猜我帶了什麼顏色的泳衣來馬爾代夫，猜中抽中送手信！」唔知開估嘅時候，Erin會唔會着上身影相畀大家睇呢？