名人：義教英文　徐子淇重遇學生感滿足

「千億新抱」徐子淇出席慈善步行，其姑爺李寧及其女兒李敬恩及李敬儀亦一同參與。子淇表示天氣很好，本打算帶孻仔李建熹來參與此活動，但由於出門前他熟睡了，故並未帶他前來。她說：「我成日帶BB行山，咁多人一齊行，好開心。」子淇透露自己每逢暑假均會到學校義教數堂英文課，更於今天的活動上與學生重遇：「我睇住佢哋大，當年佢哋13、14歲，依家佢哋都成18歲，有啲讀緊大學都會返嚟學校做助教。其實都好有滿足感，因為佢哋好多都來自基層家庭，冇乜機會學英文。一開始嘅時候佢哋冇乜自信，唔敢同我講嘢，怕醜。不過過咗兩年之後，佢哋會好主動同我傾偈，英文講得好咗，好有自信，仲會返嚟教啲小朋友，回饋番。（會唔會考慮搞教育生意？）唔會，搞生意要花好多時間。我會幫多啲慈善機構，幫助年青人同小朋友。」<br/><br/>復活節將外遊<br/><br/>提到其姑爺李寧亦專誠前來撐場，她表示二人一直也非常支持此慈善機構，她主力教育兒童，而姑爺則會參與不同的學生活動，如畢業禮。她說：「我覺得呢個機構好值得支持，我平時都冇乜機會同十幾歲嘅年青人一齊，我覺得好開心，佢哋充滿活動、充滿正能量。佢哋教咗我好多嘢，要勇敢同勤力。」她笑言舉行義教的地點，其中一間學校是她中學的母校，每次回去都有「那些年」的感覺，勾起不少當年讀書的回憶，有點回到少女時代的感覺。另外，她表示復活節打算帶小朋友外遊，但暫時尚未決定地點。