重返亞視想當年 煒烈嘆可惜

20160302
東網電視
更多新聞短片
煒烈於70年代加入麗的電視至2001年離開亞視。

約50位歷代亞視藝員今晨到大埔總台敍舊,趁亞視倒閉前拍下大合照,資深藝人煒烈於70年代加入麗的電視(亞視前身),至2001年離開亞視,今日很高興重返亞視與一眾老朋友想當年,講到難忘事,他說:「我經歷過十幾個老闆,開心係好似大家庭,冇分黨派,依家亞視搞成咁,梗有唔開心!記得麗的時代我拍《大丈夫》,要揸電單車跳海,結果受重傷,公司冇畀我住私家醫院,冇乜理過我,呢樣係唯一差嘅,好嘅就好多,其實亞視唔係咁差,都有好多大製作,好多擁躉,但可惜會成為絕響,我覺得亞視最輝煌應該係1982至1995年,人才鼎盛,我哋個個都好搏命,有時唔夠武師,演員做埋,從冇計較,仲幫手拎埋器材𠻹!之後收視又好,大家都好開心!」提到近年亞視由盛轉衰,煒烈表示因早已離開公司,不方便評論,只感到可惜,最後他說:「如果亞視可以復活就好喇!廣大觀眾對亞視都有份感情,如果政府可以畀亞視復活,係我哋藝員嘅心願!」