幕後到幕前　黃文慧嘆電視王國一落千丈

有指亞視今日正式熄燈，前亞視藝人兼資深女演員黃文慧今日出席舞台劇採排活動時亦有感而發，仲講到七情上面：「唉！真係冇遺憾！我喺亞視二十年，由幕後做到幕前，最鼎盛真係要講林百欣老闆嗰時代。一個咁老牌子、咁有基業、咁代表性嘅電視台都搞成咁，我呢啲年紀除咗唏噓同無奈仲有乜可以講！」佢仲心痛香港呢個電視王國一落千丈：「最蓬勃嘅時代我哋睇住，先有我哋呢一代人，作為電視王國嘅香港點解會一落千丈？冇咗（亞視）呢個平台畀年輕人工作、訓練、作為出路！」

問到今早司榮彬又晒出五百萬支票示意亞視有資金，黃文慧表示：「好多好混亂嘅消息！其實老闆一定要負最大責任，幕後亦都係，因為個制度問題，令到啲商業牌照咁混亂！」