東網電視
更多新聞短片
盧太話有好多人好錫David，覺得好感恩。
1/5
資深藝人盧大偉（David）日前病逝，TVB特別為他製作悼念直播節目《別了，Gag王盧大偉》，多位藝人到達將軍澳電視城錄影，包括陳百祥、鄧梓峰、王祖藍、丁羽、胡楓、林建明、吳雨、黃淑儀、余子明、葉尚華、陳友、薰妮、戚美珍、黃子揚、陳敏兒、賈思樂、江欣燕、阮兆祥、祝文君、張致恒等，眾人懷緬與David過去相處的時光。
盧大偉太太亦有到達現場，她表示很感激TVB於短時間內籌備這節目，亦感恩有很多圈中人都很愛錫David：「David視TVB係娘家，香港人知有個人叫盧David，都係TVB畀佢，大家有份感情，就係呢份感情引伸到可以咁短時間有呢個節目，相信工作人員都辛苦喇！多謝TVB，其實TVB錫到佢燶，過去傾合作，無論時間、交通都好遷就。（感激好多圈中朋友到場？）一定，仲有好多因為種種原因冇到嘅朋友，好感恩好多圈中人錫佢，係佢福氣！」
延續David樂觀精神
問到亡夫喪禮安排，盧太表示仍未落實，希望能盡快公布，並很感謝演藝人協會同TVB幫忙，令她輕鬆不少。盧太又表示會努力延續David的樂觀精神：「去到最後階段，我同佢傾咗好多，有段時間我話唔好揼低我，要走一齊走，但我知道佢要我做好多事，好似今日我哋班學生一齊戴帽打煲呔，就係對盧Sir嘅懷念，班學生會延續佢份精神，參與有貢獻嘅活動，好快會有表演，依家我又係爹哋又係媽咪，會將愛同正能量傳達，呢個係令我堅強落去嘅動力。」
而近廿位盧大偉教室的學生亦有參與錄影，節目內播放David生前搞笑演出片段，令眾藝人都展露充滿懷念的微笑，但講到感動位，他們都忍不住眼濕濕，丁羽更拎紙巾拭淚。
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：
盧太話仲未落實David嘅喪禮安排。
眾人懷緬與David過去相處的時光。
盧太話同一班學生延續David嘅精神。
盧太要為大家傳達愛同正能量。
