監製解畫　劍橋生驚醉態被拍送走麥明詩

有「十優港姐」之稱的冠軍港姐麥明詩，早前隨無綫攝製隊到英國拍攝旅遊特輯，期間還到麥明詩母校劍橋大學取景，不過有劍橋學生在網上爆料，指麥明詩連同攝製隊被懷疑「白撞」，最後由學校保安由側門送走，聽聞因拍攝過程未取得授權，拍攝當日正值劍橋大學舉行春季舞會，期間傳出「有人」不斷攞酒飲，之後就有「白撞」呃飲呃食消息傳出。

強調有申請

對此，該節目監製張志明回應《東網》：「件事係咁嘅，原來佢哋係有申請拍，亦都有個手帶畀佢哋入去拍，咁嗰啲嘢食亦都係人哋隊埋去畀佢哋食嘅，佢哋初頭好開心，拍得好開心，覺得嘩有個香港小姐過嚟，好開心有隊crew，到佢哋其他人飲醉咗酒之後，佢哋就講話唔係好想我哋喺度，跟住就叫咗我哋走咁解，完全有申請。」

拍嘢嗰陣時氣氛好

對於劍橋學生於網頁大字標題話「香港小姐」白撞被踢出春季舞會，並貼上照片，張志明表示：「呢個係party裏面，嗰個男仔係學生會主席嚟，你見佢係咁攞嘢畀麥明詩食，其實佢哋拍嘢嗰陣時個氣氛真係好好，係後尾拍拍吓之後，跟住人哋話其實又唔想佢哋喺度，然之後叫佢走咁解，因為去到尾呢啲學生會佢哋又飲酒又做好多嘢，都唔希望有隊crew成日對住，所以拍到咁上下我哋咪走囉，佢亦都叫我哋走，希望唔好成個過程拍晒。」

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

　http://on.cc/redirect/entertainment