東網電視
更多新聞短片
林奕匡好enjoy自己嘅工作。
歌手林奕匡（Phil）到電台宣傳新歌《一雙手》並接受訪問，他表示新歌是講述香港人精神，靠一雙手努力去起家，只要握緊拳頭就能捱過。覺得香港人要多聽作鼓勵？Phil謂：「又唔一定要聽多啲，但首歌好值得分享。（你都捱咗好耐？）有段時間啦，而呢年幾係多咗工作，辛苦但好享受，因做到一份自己鍾意嘅工作。」
問到收入是否大增？他謂：「因為公司係一年出兩次糧，所以都唔知大增咗幾多。（財政交畀女友處理？）又唔使，我啲數學都幾叻㗎。（有冇大使嘅嗜好？）咁我係好鍾意車同手錶嘅，但呢個階段唔係可以玩得起，我揸緊嘅都係部歐洲二手車，平時都搭港鐵多，今日嚟都係搭港鐵。不過，我知道香港有得揸車已好好，我都鍾意香港揸車，因為多彎又有山路都考技術，唔似外國條條大直路。」Phil更直言有興趣去學揸棍波車！
