陳慧嫻爆曾向許志安逼婚：佢聽完擰頭

陳慧嫻於紅館舉行尾場演唱會，獲慧嫻父母、關心妍夫婦、林家棟、李逸朗、麥家瑜、J.arie及吳業坤到場支持，又請來好友許志安擔任嘉賓，安仔甫出場便與慧嫻合唱《女人之苦》，慧嫻笑言：「因為我依Part講愛㗎嘛，所以唱依首啱聽啲。」慧嫻又講到跟安仔用同一間髮型屋：「嗰時佢應該未係好識我，佢唔知我鍾意發噏風，我有一次同佢講不如你娶我，佢好認真咁望住我擰頭，佢以為我認真喎！」不過觀乎現場安仔的反應，似乎已不太記得該件往事。

安仔表示能夠擔任慧嫻嘉賓感到好開心，並謂：「《女人之苦》講到情，每次見到你我都...」安仔此時欲言又止，慧嫻即追問：「想我快啲嫁得出？」安仔聞言笑謂：「點都好，想你開心。」

慧嫻下台後，安仔獨自唱出《爛泥》，並感性謂：「之前同慧嫻拍咗個特輯，一齊唱咗佢啲歌，發覺佢啲歌陪住好多人長大，之前我參加咗個比賽，唱咗《千千闕歌》，喺台上我覺得自己係香港人嘅代表。」