陳慧嫻要主動出擊識男仔：從未失過手

歌手陳慧嫻假紅館開騷，訪問時慧嫻表示將會放十日大假，之後就會為新碟我籌備開會，問到大假打算做什麼？她笑說：「想休息吓，第一件事要狂瞓，同埋我啲貓依家好仇視我，平時起身鍾意入我被竇，依幾日都冇，所以依幾日同佢哋一齊攤屍，仲要食嘢，幾日冇食嘢，淨係開騷前食咗啲白飯，太攰喇，一返到去就瞓覺。」<br/><br/>玩盡家賓<br/><br/>講到慧嫻在台上玩晒咁多個嘉賓，連監製何秉舜都逃不過被玩，她笑謂：「佢尋日玩我先㗎，喺到飛吻我，但今日有記者喺度佢唔敢玩。」講到她自爆睇中咗個有才華的人，她直言向來都喜歡有才華，不過不是何秉舜，問到對方是誰，她即封口唔講：「係秘密嚟，得我先知，（令佢鍾意女人？）返去諗吓，睇吓有咩可能性，依家都係朋友嚟。」慧嫻又自認主動，笑言：「50歲都仲唔主動？（有冇失過手？）以前從未失過。」<br/><br/>出新碟試新嘢<br/><br/>講到是否計劃推出新碟試新嘢？她表示最近找到個好厲害的監製：「終於都有人Support我出碟，之前出發燒碟歌迷都話幾時出新歌。」她又表示陳奐仁昨日到場欣賞了演唱會，自己又唱了對方寫的《你瘦夠了嗎？》，第一次見面就得到陳奐仁答應為她寫歌：「陳奕迅第一晚都有嚟睇，係後台傾咗好耐我諗之後會再傾偈，李克勤今日都有再send message 叫我努力，真係very good friends嚟。」