東網電視
更多新聞短片
又一個藝人陷入公關災難。
1/9
近日發生多宗學生自殺事件，情況令人擔心，引起社會大眾嘅關注，歌手胡鴻鈞都有關心事件，仲喺社交網站寫上千字文，發表感受，不過佢一句「你們覺得讀書壓力大，不妨看看那些多麼渴望讀書但卻因種種原因而不能上學的孩子們」，就似乎激嬲唔少網友，引起網絡圍插，直指佢嘅「返學幸福論」不知所謂兼冇邏輯謬誤，仲有網友翻佢疑似整容嘅帳。
今日凌晨，胡鴻鈞就喺社交網站再寫文，話會為自己嘅言論負責，會學習如何更清晰表達自己，今次就冇咁長，佢話：
是的，作為作眾人物，我要為自己的言論負責。我無意為大家製造額外的負面情緒，但的確我的這篇話是有令到部分人感，我不否認，也不會為自己辯護。
也許我真的未搞清楚現況，當初只是單純的發表自己的意見和想法，不希望再看到悲劇的發生，最後卻帶來反效果。謝謝你們每一位的評語，我都有看，也令我知道自己的不足。我會學習如何更清晰表達自己，改善辭不達意的問題。
日後，我會繼續多分享自己的感受，望各位多多指教。
網友睇完嘅反應都都好壞參半，有人就話佢篇文冇道歉，睇唔到佢有悔意，只係講唔識去清晰表達自己，問佢係咪依然覺得自己嘅立埸同睇法都冇錯；亦有人支持佢嘅人覺得佢嘅出發點係冇錯，大家應該要互相尊重，唔應該人身攻擊。
總之就公關同關公都很忙喇！
胡鴻鈞凌晨嘅發文。
就係依篇嘢出事～
網友反應好壞參半。
