黃耀明寸爆亞視熄機：終於被消失咗

歌手黃耀明一連三場「美麗的呼聲聽證會」第二場繼續吸引不少圈中人捧場，好似林海峰、葛民輝、盧冠廷、林二汶及盧凱彤等，在音樂會上隨着亞視4月1日熄機，黃耀明表示香港人剛經歷了歷史文化重要的一部分，他說：「終於被消失咗，好多人都想睇戲，但依家睇戲唔係去戲院，原來喺街睇。香港依家真係愈嚟愈有趣，大家一定要留喺度，見證香港會變成點。」

談香港電影生命

而當黃耀明到後台換衫時，請來前DJ卓韻芝、導演黃修平及黃秋生任嘉賓，他們在台上則一齊探討「香港電影生命將會如何」，阿芝問秋生對香港電影業有何看法，他揚言想講的廿年前已講：「廿年都話香港電影就死，依家好似我咁，死同唔死之間。」

秋生笑只佢係舞台界

黃修平又指阿芝是他們當中最賣座的導演、票房過億，在旁的秋生笑說：「我好無知，我真係死咗好耐，依家我係舞台界㗎。」最後一條問題問到三人覺得香港電影的未來如何，黃修平揚言只要一日還有機會、一口氣都會拍下去。抵死的秋生竟說：「多謝你呀大導演（指阿芝），我以後知㗎啦。邊有人唔死，有人長命有人短命，有啲人應一早死，但你哋唔好對號入座，咁樣先有下一代，佢哋咪就係香港電影嘅未來囉！」