謝安琪眼濕濕忍住唔喊：咁早喊唔得

謝安琪（Kay）假紅館舉行的一連兩場《拾回謝安琪數愛世界巡迴演唱會香港站》來到尾場，Kay講到歌迷們寫信給她時一度想喊，她立刻忍住淚水並說：「咁早喊唔得，食番佢。」不過當她答謝好友兼好拍擋馮家俊（Cousin fung）時，再次眼濕濕，深呼吸後才能繼續。之後Cousin fung出場與Kay彈鋼琴和伴唱，Kay見對方沒有被自己感動到，即說：「好心你喊少少啦，都唔知情識趣嘅。」Cousin Fung笑言自己看喜劇才會哭，之後又笑指與Kay的緣份淒美：「我哋對上一次合作嘅電視台已經永恒咗，我喺一間餐廳度作《拾回》嘅，間餐廳都執咗，依家你又要『永恒』一年，你唔做歌唔緊要，可以唱Demo。」Kay即笑說：「我唔唱和音真係嘥晒！」Cousin fung附和說：「你唱主音真係嘥晒。」而Kay看到琴上有紙巾，亦大讚他其實很細心。