東網電視
更多新聞短片
一次過睇咁多事業線，真係有啲想暈。
1/11
每次大型節目，一眾女明星都會谷胸晒腿盡騷身材博上位，好似尋晚無綫舉行《myTV SUPER呈獻：萬千星輝睇多D》咁樣，出晒名好身材嘅藝人好似：張秀文、陳婉衡、苟芸慧、黃心穎及莊思敏等，齊齊谷爆上圍，事業線有咁長得咁長，真係「胸」多眼亂睇到鼻血直流，係咁混亂嘅場面，有好嘢睇漏咗都好正常，依家就同大家重溫一下好身材嘅漏網之魚。
要數到強勁，就真係唔可以唔數2011年溫哥華華裔小姐競選亞軍上圍有34E嘅陳偉琪，一套Deep V露肩晚裝將心口兩團肉完全推晒出嚟，效果真係夠震撼，令人窒息嘅感覺完全出晒嚟；而另一位有料之人2012年港姐冠軍張名雅就着咗套粉經色tube dress晚裝，美好嘅上圍盡現；而另一位出名有料之人嘅歐陽巧瑩，久唔久都會喺網上晒吓好身材，估唔到去到呢啲大日子，佢反以着得ok普通，件衫雖然都有露事業線，但係佢把頭髮放咗喺前面，遮住咗心口嘅春光，成個造型真係跌晒watt。
而喺性感做主導嘅潮流下，都仲有一班人走自我風格，好似已為人妻嘅林夏薇咁，白色長褸加黑色長褲型格打扮，真係令人眼前一亮，絕對唔輸得過畀露肉嘅女藝人；做「狐狸精」及「小三」做到上晒位嘅李佳芯，以為佢會有啲嘢睇吓，點知佢着得非常保守，密實到完全無睇頭，加埋深色嘅打扮，喺身邊行過咗都未必留意到。
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：
張名雅呢一身打扮性感得嚟又高貴，真係啱晒港姐冠軍嘅身份。
歐陽巧瑩身材出名好，不過把頭髮就遮住艷光。
劉佩玥
人妻林夏薇完全冇露肉，不過出嚟嘅效果一啲都唔輸蝕。
啱啱喺《EU超時任務》備受讚賞嘅譚凱琪唔算性感。
陳偉琪呢個造型真係冇得輸，谷胸效果真係殺低唔少女藝人。
麥明詩
做「狐狸精」上位嘅李佳芯做完全冇睇頭。
莊思明
黃碧蓮、邵珮詩
