老婆唔揀油王？盧冠廷出招抱得美人歸

實力派歌手盧冠廷（盧盧）將於六月假紅館舉行一連兩場《Beyond Imagination》演唱會，日前他接受梁泰來電台節目訪問，表示自己出身於香港演藝世家，父親是粵劇紅伶盧海天，伯娘更加是一代粵語片紅星白燕。

靠洗碗買萬元結他

盧盧於少年時代跟隨爸爸移民到美國西雅圖，自少便在這個中西融和的氛圍下成長，縱管受盡父親的寵愛，卻不會恃寵生驕：「我第一支結他價值1,500美金（11,637港元），係我自己唔知洗咗幾多個碗先可以換番嚟。」

有讀寫障礙

盧盧因為讀寫障礙而寫不到樂譜，但他卻可譜出一首又一首的動人樂章，他說：「其實係要睇到譜先可以學音樂，喺音樂學院有許多Series（音體序列）能學習，困難嘅嘢就唔理會，其他可以學習嘅就盡能力吸收。」

逾期居留「威脅」太太？

盧盧於70年代贏得美國音樂比賽回港發展，未加入樂壇已經在酒店演出，因而邂逅在酒店任職高層的太太唐書琛，他形容當年太太條件好，有不少富有人家追求，但他卻以另類方法贏得太太芳心：「當年佢有中東油王或者娛樂界紅人送花、送禮物，我只可以用第二招，扮冇嘢，佢會諗：『點解人哋當我係寶，你卻當我係草？』就係咁中咗我招，成為我嘅太太！」盧盧形容自己不浪漫，當年連求婚也沒有特別儀式：「真係冇求婚，因為我攞美國護照，我話佢知唔可以逾期居留，除非結咗婚，咁我哋就結婚，係順便，哈哈！」