連詩雅氣管敏感頂硬上食類固醇開工

歌手連詩雅（Shiga）出席啤酒品牌舉辦的電子音樂派對，接受訪問時透露早幾日因為天氣變而令到氣管敏感，因為有工作在身而要睇醫生同食類固醇藥物，直言雖然怕食藥傷身，但都要為工作犧牲。<br/><br/>唔怕競爭大<br/><br/>Shiga透露公司最近簽了更多女模特兒，令公司大家庭越嚟越大。問到可會覺得競爭大了？她笑言：「唔會啦，我地個個各有所長，我哋都會聚埋一齊去其中一個人嘅屋企飲吓嘢，放鬆吓，可以多幾個女仔傾心事。（你有心事？）係人都有心事，好似工作，壓力嗰啲，我哋互相扶持。」<br/><br/>同周柏豪合作冇surprise<br/><br/>提到Shiga力讚師兄周柏豪演技好，問到Shiga將來可會與師兄合作拍電影，她笑言應該在銀幕上都會有合作：「但係大家好似已經覺得我哋依pair悶，唔surprise，咁如果同師兄合作當然係開心，有晒默契，又學到好多嘢。」問到跟公司其他男藝人合作，她大讚王宗堯及張建聲拍戲好投入，亦跟王宗堯拍攝過同一部電影，希望可以學到更多。