【大晒麒麟臂】黃曉明爆肌煮麵冧媽咪

內地型男黃曉明早前孖住媽咪拍內地真人騷《旋風孝子》，喺節目中大晒溫馨母子情，現實中都係一等一孝子嘅曉明，趁住媽咪生日，尋晚已經率先喺網上祝佢生日快樂。<br/><br/>唔只得把口講，孝順嘅曉明仲用實際行動表現佢對媽咪嘅愛，就係為媽咪大搞驚喜生日派對啦！曉明工作室喺微博上載尋晚嘅花絮照，相中曉明下廚煮麵畀媽咪食，煮到㷫烚烚自然要剝衫，曉明大騷麒麟臂之餘，仲展現「BIG」爆背心嘅結實胸肌，睇到人心心眼呀！<br/><br/>大家都知曉明好浪漫，成日為老婆Angelababy（楊穎）製造驚喜，而曉明今次亦送上999枝紅玫瑰畀媽咪，仲放上「媽媽你辛苦了」字句嘅擺設，兼獻上深情一吻，難怪黃媽媽一臉冧爆啦！而曉明工作室亦留言話：「黃老闆現在廚藝大漲，這碗親手做的陽春面透着滿滿的美味和幸福，祝美麗的黃媽媽生日快樂。」