東網電視
更多新聞短片
![](/hk/bkn/cnt/entertainment/20160429/photo/bkn-20160429213122470-0429_00862_001_01p.jpg?20160429220210)
鄭詩韻話自己唔會生第三個,佢就話兩個夠晒數!
1/3
名媛鄭詩韻出席遊艇展覽會,她表示自己不擅於揀選遊艇,老公陳鴻業(Alan)對此方面較擅長:「我唔係好識分,Alan叻啲,我以前係好少做戶外海上運動,不過因為兩個仔同老公,依家出海游水、滑雪都要,就晒佢哋。」又謂遊艇最重要是夠大及有冷氣。問到閒時有否曬太陽?她說:「少啲,就算我以前去旅行都唔會揀陽光與海灘嘅地方,依家冇辦法,週末都要上山下海,(咁咪fit咗?)健康咗,但我都怕曬,會做足防曬準備,唔想曬黑。」
做小朋友辛苦 做家長唔容易
至於下月母親節,她表示Alan已訂枱食飯慶祝:「會同小朋友、老爺、奶奶一齊慶祝,而小朋友學校都會安排佢哋做啲嘢,總之我一定有嘢收,(之前收過咩禮物?)卡、勞作、盒,之前佢哋唔識寫字,學校都有準備一啲I love you、心心畀佢哋貼,依家識寫都會親筆寫。」又透露大仔將於9月入讀小一,細仔就在下年9月,續說:「今年有朋友有咗第三個,我真係唔會啦,兩個夠晒數。(仔仔讀本地定國際學校?)本地學校,男校,我哋想佢哋中文好啲,因為Alan中文好渣,中文要學校教,英文大個咗都可以pick up。(唔怕本地學校教育制度辛苦?)怕㗎,經歷完考小一,知道做香港家長都唔容易,雖然我知道其他地方都辛苦,但香港真係一年辛苦過一年,唔知點解香港咁辛苦,依家做小朋友真係辛苦。」
帶小朋友出海減壓
她續稱香港不多機會做戶外活動,閒時出海、游水等都可讓小朋友減壓:「佢哋其實唔使做啲咩,好似我哋間唔中都會同佢哋去雙魚河,有一大遍草地畀佢哋狂跑,好似「放狗」咁,唔需要咩特別玩具,因為香港嘅小朋友多數都係喺屋企做功課、打機、玩iPad嘛,不過我以前唔敢帶佢哋出海,驚管佢哋唔住跳落海,依家嘅歲數就好啲,戴返個「雞翼袖」(箍喺手嘅水泡)都識游兩下。」
![佢仲話依家做家長唔容易,而做小朋友都會好辛苦。](/hk/bkn/cnt/entertainment/20160429/photo/bkn-20160429213122470-0429_00862_001_02p.jpg?20160429220210)
佢仲話依家做家長唔容易,而做小朋友都會好辛苦。
![不過佢都好識湊小朋友,知道小朋友有壓力都會帶佢哋去玩吓減吓壓!](/hk/bkn/cnt/entertainment/20160429/photo/bkn-20160429213122470-0429_00862_001_03p.jpg?20160429220210)
不過佢都好識湊小朋友,知道小朋友有壓力都會帶佢哋去玩吓減吓壓!