東網電視
更多新聞短片
黎明（紅圈）演唱會音樂顧問雷頌德，今晚冇去睇黎明開騷，同老婆梁家玉去咗睇莫奈名畫展暨慈善晚宴。
1/4
黎明演唱會音樂顧問雷頌德（Mark）與太太梁家玉現身法國五月舉辦香港首個莫奈名畫展暨慈善晚宴。問到Mark為何不在黎明演唱會現場？他稱頭場最重要，不需要場場去：「個騷嘅4D效果要用電腦做，Set晒啲嘢就ok，冇得變。（你咪好得閒？）我要去捧場同為佢擔憂吓。（係咪一額汗？）每個部門，製作、消防同政府知道出咗問題都着力去搞掂，將啲帳篷拆咗佢，起碼開到騷先，觀眾好開心。（你覺得個騷點？）好開心，排除萬難，個個都唔想件事發生，好多嘢都未試過。（開埠以來首次？）黎生專係搞啲創舉，但出咗嚟係好團結。（係咪唔再用中國嘢？）好多嘢都唔知，中國製好多都質素好高，係咁啱唔合香港標準，都係防火。法國製嗰隻最好。」
問到黎明騷現場是否遇噪音問題？Mark謂：「估到，實有問題，嗰啲邊係噪音，係美妙嘅歌聲，惟有細聲啲。（頭場Cut咗幾首歌？）冇法，今晚會正常，黎生都喺Facebook講咗。（超時要罰幾錢？）我唔知，都係少數目，最重要係開得成，觀眾開心。」
雷頌德話黎明騷頭場係最重要嘅，之後唔使場場都去喎。
雷頌德仲解釋話因為黎明呢個騷嘅4D效果要用電腦做，Set晒啲嘢就ok，冇得變。
雷頌德、梁家玉
