東網電視
更多新聞短片
劉嘉玲就話唔知自己身家有幾多個零，果然有霸氣！
1/3
早前巴拿馬文件外洩，揭發全球多個富商政要在離岸避稅天堂設有公司或戶口，事件繼續有新進展，在近日流傳的名單內包括台灣男星吳奇隆。
女星劉嘉玲今日以花花透視裙現身活動時，被問有否在巴拿馬開設離岸公司？她顯得全不知情，並反問﹕「巴拿馬喺邊？我冇留意呢個新聞。」她坦言財務的確交予在BVI（British Virgin Islands）的離岸公司作安排，但強調是一般的正常財務安排：「唔好將件事變咗非法，我財務有交畀律師同會計師處理，我一陣都會問番佢哋呢件事。（咁你係咪連自己身家有幾多個0都唔知？）真係唔知，創造中。（有冇目標？）我冇，我隨時可以退休，我好有信心，但冇計過幾多個0，我有諗退休之後做啲咩，咁都要做吓嘢。（你可以相夫？）我一直都有，一邊相（夫）一邊做，因為工作可以擴濶我視野，帶畀我開心，我依家做嘢唔係想賺幾多，係想從中攞到工作經驗。」
其後嘉玲又再次就巴拿馬事件重申：「真係唔好將呢啲新聞，帶到去唔正確嘅方向，我係一個非常奉公守法嘅人。」
佢自己會一邊相夫一邊做嘢！
劉嘉玲就話就算退休都要做吓嘢，因為做嘢可以擴濶視野。
