《女神》初版遭彈鐘　許廷鏗撐唔難聽

歌手許廷鏗（Alfred）在無綫《2016勁歌金曲優秀選第一回》中憑《記住忘記我》贏得其中一首金曲。由於鄭欣宜的《女神》熱爆，早前欣宜更爆出《女神》原本由Alfred作曲，不過收貨後欣宜覺得曲風太「許廷鏗」，最後要臨時換人搵咗藍奕邦幫手作曲，對於慘被欣宜「彈鐘」一事，Alfred受訪時稱：「唔好咁講，如果一寫就用係畀面我啫，其實首歌用咗兩、三個鐘寫，用咗兩日就交貨，不過真心覺得唔難聽！」

認寫歌新手未受打擊

一番好意幫朋友作曲最終被棄用，問Alfred可有酸溜溜感覺？他說：「唔會，係自己寫得未夠好，未合感覺。（依家個曲風似你原來版本？）完全唔似。（會自己用番？）畀咗欣宜就欣宜㗎啦，唔適合自己唱。（打擊大？）唔會，我都係新手，我都會繼續寫歌。」