東網電視
更多新聞短片
不說不知道，韓梓亮原來還有一段悲慘的童年及青少年歲月。
1/12
本身是江湖二代的韓梓亮（TL）坦言與家人關係差，他出世的一年，父親正於獄中服刑，加上屋企涉嫌有毒品，令母親覺得他「佗衰家」， 三姊弟中唯獨冷待他。
冇正式同枱食飯
TL現身童年住所葵盛西邨接受《東網》記者採訪時表示：「阿媽成日鬧我係乞兒、賤種！阿爸成日賭錢，阿媽就攞我嚟發洩！由細到大都未試過同佢一次正正式式同枱食飯，每次都叫我去廁所食，佢對我直情係衰過工人，連乞兒都不如！」
想登報脫離母子關係
TL更表示現在見到蟻都驚，因為曾經誤踩蟻竇搞到要洗腳，累媽咪送車尾，最後硬食一巴掌。TL坦言自2012年爸爸出殯後，再沒有見過媽媽。問他現時可會認對方做媽媽？他即激動地稱：「唔會！我係直情想登報同佢脫離母子關係！我會用『嗰個女人』稱呼佢！佢都唔當我係仔，呢啲人一定會有報應，我唔係要佢內疚，只係想啲家長唔好咁對小朋友，搞到有童年陰影又何必？」
中學受盡歧視欺凌
升上中學後，TL被社工轉介至男子寄宿學校，以為重獲自由，原來噩夢未醒。他說：「明明一星期返一次屋企，但媽咪唔畀我返，聖誕、新年長假期返去又會鬧我。」而每個月500元學校生活費，TL的媽咪竟直言冇錢交，令他在初中期間受盡歧視，試過被同學將他的衣物丟進馬桶，又收過膠袋包屎做「禮物」。
唔怕被定型不孝
他又稱讀男校時有被同學非禮經歷：「我成日畀人非禮，唔係玩嗰種，玩點會瞓瞓吓有人爬咗上床度摸你？」談及他大數生母不是，可覺得有違孝道？他竟然覺得沒問題：「咁阿媽真係對我唔好，我唔係作出嚟，我唔會作呢個古仔出嚟博同情，佢對我好衰係事實，我唔會介意人哋點講話我冇孝道。」
TL又指小時候在居住的葵盛西邨，亦發生很多不愉快事件，他自言24年的人生已被男人摸過4、5次。除了獄中經歷外，8至9歲期間亦曾被街坊非禮。TL雖然選擇重回當年居住屋邨，勇敢面對童年陰影，但憶起往事時，還是不忍數度語塞落淚。
慘遇非禮大叔
TL去到自己小時候住的大廈後樓梯，當年被非禮的情景即在腦海中浮現。他說：「個中年男士帶我去後樓梯非禮我，嗰陣大約8、9歲，我話唔好，佢仲不停摸。之後有人行過，我就乘機跑走。再之後有次佢話請我飲汽水，帶咗我去後山山邊，仲叫我擒入欄杆入面，如果嗰陣我擒入去實會碌落山，之後我即刻跑去屋企附近求救，啲人唔信，大叔仲同啲人講我係佢個仔，之後帶走我又打咗我一巴。」
屋企人以為作嘢
TL愈講愈激動：「畀佢摸咗超過10次以上，自己唔識報警，同屋企人講佢哋又以為我作嘢。如果依家畀我見番佢，我一定報警拉佢！佢肯定唔係淨係非禮我一個，我只係其中一個受害者。」之後他更忍不住委屈落淚：「畀佢摸就好似私隱畀佢見到咁，依家見到大叔都有陰影，到咁多年都仲有陰影，好辛苦，有時發夢都記得。」
拒接受不道德交易：情願燒炭死
TL之後再接受電話訪問，自認有人出錢「照顧」他，TL稱：「有Uncle願意出錢照顧我，有人出價三萬一晚照顧費（性交易），但我拒絕晒。唔係錢問題，就算畀幾百萬我，自己都接受唔到，因為嗰件事（肛交片勒索案）我仲心存陰影，依家仲歷歷在目。唔係懶清高，真係接受唔到，情願燒炭死都唔再做！」
被指「佗衰家」的他，在家中受盡母親冷待。
亦試過唔畀佢返屋企同埋唔畀寄宿學校生活費。
除咗同母親關係惡劣，韓梓亮亦回到小時候曾被非禮的地方。
雖然童年歷盡坎坷，長大了又曾因犯事入獄，但韓梓亮並未有放棄自己。
一次都未試過正式同枱食飯，關係惡劣可想而知。
已經有成四年冇見媽咪嘅韓梓亮，話想登報脫離母子關係。
說到傷心處，更忍不住流下男兒淚。
佢仲話，絕不接受不道德的交易。
佢仲話媽咪以前叫佢去廁所食飯。
佢仲話唔擔心背上不孝之名：佢都唔當我係仔！
佢話小時候被一個阿叔非禮至少十次，由於留下重大陰影，故到現在仍會夢見當時情景。
