東網電視
更多新聞短片
高皓正同曲赤都好支持韓梓亮。
1/5
韓梓亮4月底舉行新歌《反省》記者會，心情靚爆宣布再戰樂壇，可是5月4日卻在Facebook留「死亡預告」：「希望奇迹出現，只剩下兩日生命。」他受訪時稱拍檔憂其形象負面而臨時縮沙，拒注資6萬元，連帶投資共36萬也被拖垮，加上無力償還經營時裝店的8萬元「大耳窿」數，頓感人生沒希望而想吊頸死，後得朋友鼓勵才打消念頭，可是已到期還錢，他說：「因為之前冇還息，利疊利依家連本帶利要還9萬6，我申請緊銀行貸款。」
當日韓梓亮受審期間，藝人高皓正現身法庭力撐，又寫求情信及代墊全部賠款。高皓正接受電話訪問，問他是否與韓梓亮很老友？他謂：「佢發生咗呢件事，有朋友介紹，我純粹關心佢。」提到韓梓亮之前揚言自殺，問高皓正可有向對方講鼓勵說話？他說：「呢一次我冇特別鼓勵佢，我相信佢唔會做傻事，佢喺獄中都咁堅強，冇理由依家會放棄，可能係一時情緒啫。」
曲赤邀合唱
另外，與韓梓亮同是「江湖二代」的歌手曲赤表示，認識韓梓亮約5個月，曾一齊出席藝人團契，不過返不同教會做崇拜。因韓梓亮知道他是Rapper，所以邀請他合唱。曲赤說：「之前佢啱啱出歌，有演出機會時會見到多啲。呢期我拍戲多啲，少咗同佢做嘢，但我哋嚟緊都傾第二首合作歌，希望到時多啲jobs，大家一齊搵多啲錢。」
韓梓亮要還9萬6蚊大耳窿，現在申請銀行貸款。
曲赤（右）想邀韓梓亮合作。
韓梓亮曾留下「死亡預告」。
高皓正 （左）相信韓梓亮不會做傻事。
