杜如風恨畀梁朝偉抽水：我唔Mind

旅遊達人杜如風出席活動，即席被人造雨淋身，介紹防水產品。提到她不時於大城市拍旅遊節目，問會否打算開發較鄉村風味的地方？她說：「我想，但上頭唔畀，話冇嘢買嘅地方唔畀我買。不過我之前以為去不丹冇嘢買，結果買咗匹布，成萬幾蚊。因為啲pattern好靚，好有民族色彩。」

計劃日本拍旅遊節目

問會否開拍第二輯旅遊節目？杜如風坦言應該會，計劃再次於日本拍攝，但暫時尚未有詳細計劃。她笑言：「要出咗書先，畀出版社催，要趕喺書展出，我叫公司成個六月唔好搞我。（咩形式？）都係講啲深入啲嘅嘢，對事情、愛情嘅睇法，我講愛情最有說服力。（講愛情失敗？）講待人不熟，唔係遇人不熟。」

對杜如科No comment

問到會否找常模仿杜如風的網絡紅人杜如科合作？她即說：「我對呢個人No comment。（覺得佢抽你水？）No comment，點解你哋唔話搵梁朝偉同我合作，我唔怕，亦都好希望梁朝偉抽我水，佢點抽我都唔mind。」