為登台棄唱主題曲　余安安自爆曾險被雪

演員余安安現身有線節目《星級會客室》，16歲便獲發掘入行的她星途順利，但她自爆曾為賺錢而放棄主唱《人在旅途灑淚時》，更因此險遭「雪藏」，她表示：「當年登台賺好多錢，有次登台加場，我無依期返嚟拍劇，結果畀人抽起我個角色，錄咗嘅主題曲都搵過第二個歌手唱，估唔到首歌後來咁紅，只怪自己貪錢！」

唔覺離過婚好大件事

余安安有過兩段失敗婚姻，她淡然面對感情：「離兩次婚好多咩？嗰啲係人生嘅一頁，人生有好多頁。離婚後都有拍過拖，但未係真，如果搵到值得嘅人，我都會『中』落去，不過依家唔會咁衝動。」後來懷有第一個女兒時，余安安便毅然放棄事業：「我決定放棄工作嗰段時間，正值電影蓬勃期，不過有得必有失，可以陪住兩個囡囡成長好重要。」離婚後當上單親媽媽，余安安憶述過程中的辛酸：「一個小朋友嘅成長需要父母，自己擔當兩個角色唔容易，囡囡反叛期時我會匿埋喊。」

唔捨得囡囡嫁人

大女即將結婚，余安安坦言未有與女兒分享自己對婚姻的看法：「呢啲係佢自己嘅選擇，我會全力支持，加上我都好鍾意呢個未來女婿，我相信囡囡嘅眼光，不過依家諗到就有啲唔捨得，雖然佢哋住得好近，但始終有種分開嘅感覺。」