東網電視
更多新聞短片
今年初同老婆南果步先後證實患癌的渡邊謙，被雜誌影到同老婆恩愛踩單車。
1/3
日本歌舞伎男星市川海老藏，今日公布結婚6年的33歲前女主播妻子小林麻央患上乳癌，且病情嚴重令外界擔心。而近年成功打入荷里活的56歲日本男星渡邊謙，今年初亦透露患上早期胃癌，其52歲妻子南果步，其後亦公布患上乳癌。兩夫妻先後入院做手術後，身體情況已康復不少。兩人經歷大病後更見恩愛，上月底，有雜誌便拍到渡邊謙同老婆恩愛踩單車，到寓所附近西餐廳撐枱腳。
當晚，渡邊謙等老婆收工後，約晚上9時多踩單車到屋企附近餐廳醫肚，席間兩人閒話家常，渡邊謙不時留心傾老婆說話，十分恩愛。兩人於2005年12月再婚，去年尾才搬入現在所住、約值4,400萬港元的豪宅。兩人於西餐廳醫飽肚後，又轉場到另一餐廳，直至深夜12點多才踩單車返回寓所。
渡邊謙雖然打入荷里活，但生活依然平民化，日前仲同老婆一齊踩單車去餐廳醫肚。
