合唱新歌！李卓庭望同謝文雅開騷

歌手謝文雅和李卓庭（Eunix）到電台宣傳合唱歌《懶斯文》，Eunix笑言自己經常懶斯文，不過謝文雅卻是真斯文，又謂每人都會有懶斯文和粗魯的時候。問到平時可會有宅女的一面？謝文雅自爆：「我成日喺屋企都會煲劇煲天光，啲人咪話每個女仔屋企都會有一個張擺滿衫嘅櫈，我屋企就有一張。」

問到兩人之後可會再合作，甚至組成組合？兩人直言大家是獨立歌手，好多時都是見步行步，謝文雅表示：「依首歌都係Eunix起咗個題話不如寫首歌叫『懶斯文』，開頭以為講笑，點知佢一追就追咗三年，今次曲詞都係我包辦，我哋又覺得我哋把聲好夾，今次Rock完不如下次整首抒情歌，之後可能會合作。」兩人又表示未必有需要組成組合，因為現在沒有大公司的掣肘，合作可以有好大自由。

Eunix又表示希望未來同未開過騷的謝文雅一齊開騷，而謝文雅則將會參演舞台劇：「九月會做，我一直都好想做舞台劇，今次第一次做個角色仲有得唱歌，之前有學過做戲，終於有得番出嚟。」