【圖輯】裕美憑「整容」變網絡紅人！

東網電視

裕美進化論～

人妻裕美今日傳出背夫偷食無綫小生黃子恆，及後裕美直認正與老公林恩浩辦理離婚，但就否認偷食一事。

現年27歲嘅裕美2004年以港日混血兒之名出道，入行12年，除咗佢首狂唱「也咩爹」嘅《搭錯車》之外，要數佢嘅代表作，都可以話係......冇嘅。不過上年佢突然成為網絡紅人，皆因佢個「尖～尖尖尖」嘅尖面。

由出道之嚟，裕美嘅得意圓面已經成為咗佢嘅signature，點知近年佢圓面變尖面，佢就解釋自己做運動瘦咗廿磅，仲上節目教人點瘦面，堅稱自己純天然！不過被指整容嘅佢，即成為網民熱話，由冇人記得，突變得有新聞價值。

大家又覺得佢有冇整呢？

on.cc東網