《人在邊緣》重播 陳法蓉自嘲當年眼袋勁

香港時間
2016年06月23日(四) 16:55
東網電視
更多新聞短片
其實陳法蓉嘅眼袋,可以話係佢嘅標誌之一。
1/11
藝人陳法蓉(Monica)出席慧妍雅集活動,雖然她打扮密實,但因與小朋友互動時太過投入,俯身期間一度微露線頭,性感非常。談到無綫現時重播她20多年前首部電視劇《人在邊緣》,陳法蓉笑指很多朋友稱時常見到她在電視出現,而她自己亦有跟好友黎美孄訴說當年眼袋很大,又謂有發訊息給劉青雲;談到當年同劇配角演員黎耀祥,陳法蓉則笑言一早睇好對方:「我都話佢有一日一定會紅,依家真係視帝,當年班底仲有黎明、同唔喺度嘅羅慧娟。」
讚四哥勁有型:成日叫我哋估條呔幾錢
她又透露剛拍畢無綫劇集《賭城群英會》,自己亦十分期待:「雖然喺內地拍嘅時候真係幾辛苦,另外今個星期都會去第二度拍電影同電視劇。(咁拍劇嘅住宿係咪有分等級?)有啲誤會,我住嗰間係你哋(記者)所指嗰間,同馬明(馬國明)同麥明詩一間,我覺得ok、唔錯,我之前睇相都覺得幾新淨。(咁待遇係咪有唔同?)每個演員都會根據個人合約有唔同要求,同埋我有經理人幫我爭取我一路要求嘅嘢。」她又謂很高興該劇可跟佘詩曼及謝賢(四哥)合作:「冇諗過會同四哥合作到,佢好鬼有型,又成日叫我哋估條tie幾錢,真係好有型。」
唔覺何浩文追麥明詩
問到有否覺得何浩文力追麥明詩(Louisa)?她說:「我唔係好覺得,Louisa係我嘅(慧妍)會員,但我冇戲同佢同場,只會喺化妝間見到面,何浩文就多啲(對手)戲,放工會大圍一齊食飯,我唔特別覺得佢哋有乜嘢,年青人交友好自然,我都有問過Louisa拍劇辛唔辛苦,不過佢適應力好強,好叻女。」
但小編膽敢講句,絕對冇影響佢嘅美貌。
陳法蓉話拍《賭城群英會》時,唔覺有差別待遇。
不過精靈嘅陳法蓉好快發現問題所在,即刻有手撳住個心口。
而當年陳法蓉嘅眼袋,又真係唔嘢小嘅。
已經49歲嘅陳法蓉Keep得勁正。
陳法蓉喺現場同小朋友玩得好投入。
陳法蓉真係母愛爆棚。
着住白色衫同晒修長美腿嘅佢,依然勁有仙氣。
佢仲一個忘形,唔小心晒咗事業線。
陳法蓉同劉青雲喺《人在邊緣》有對手戲。
感謝您瀏覽東網。請按入詳細閱讀本網站所載之使用條款及細則私隱政策聲明,並須確定您同意接受有關條款及聲明的約束才可繼續瀏覽。