東網電視
更多新聞短片
莊思明話佢同男友楊明（紅圈）都鍾意小朋友，佢仲話最少要生兩個，希望有一仔一女。
1/9
藝人莊思明出席慧妍雅集活動，她表示很喜歡小朋友，於活動現場還被小朋友玩弄其指甲，問到結婚後會想生多少個小朋友？她說：「最少要生兩個，希望有一仔一女。（如係咁生仔定女呢？）生到有為止，咁會平均啲，幾兄弟姊妹可以互相保護大家。（會唔會想生twins？）都想，媽咪話生雙胞胎好大樂趣，雖然麻煩嘢比較多，因為嘈嘛。（同男友楊明有冇共識？）冇講阿，佢都好鍾意小朋友，佢唔介意嘅，又唔係佢生，我生我辛苦咋嘛，辛苦嗰個都唔介意。」
唔夠膽閃婚
問到有否結婚計劃？莊思明：「依家講太快啦，做吓嘢先。（有冇諗過幾歲前結婚？）佢大過我，應該佢急啲，再問吓佢先。（如果佢突然驚喜求婚呢？）視乎誠意，最緊要係確保大家將來生活得開心，要相處耐啲睇吓有咩需要調整先。（即係唔會閃婚？）唔會，我驚畀阿爸阿媽打死我。」又謂夠膽爬家姐莊思敏頭結婚，又坦言家姐莊思敏近幾個月於感情事很積極。
齊齊同小朋友玩。
莊思明話一定唔會閃婚，因為佢驚父母唔鍾意。
莊思明同楊明不時晒Sweet爆合照。（資料圖片）
玩到勁開心。
莊思明大晒長腿。
莊思敏（資料圖片）
莊思明（右二）畀小朋友玩佢啲指甲，佢仲一啲都唔介意咁喎，認真有母愛。
大合照。
