入行30年「綠葉王」梁健平舞台劇做男主

入行30年的「綠葉王」梁健平首次擔任舞台劇男主角，與泇泇、陳慧仙、何啓華、葉運強等人上演舞台劇《第九味》，劇中他飾演冰室老闆，而故事以一間冰室為中心，並以四道料理將道出四個溫馨的故事。梁健平指當看完劇本後，勾起了很多以前的回憶，例如父母與自己之間的感情：「我爸爸喺上年過咗身，喺排練過程入面，我好自然會諗起舊時同佢一齊嘅時光，同自己對爸爸嘅照顧和關心。而我本身同媽媽關係好親密，所以劇中某啲情節都好容易觸動到我。」他又大讚劇本夠「貼地」，能道出香港人的情和事物：「四個故事入面，相信每個觀眾都總會有一個，甚至大部分故事都經歷過，所以先能令人感動，呢個就係我參演呢套劇嘅原因。」